Հմայակ Հակոբյան. Խաբկանքների և աճպարարության թագավորը

Alpha News-ը շարունակում է ներկայացնել «Ալֆա պերսոնա» շարքը:

Դեկտեմբերի 29-ը հայ մեծանուն աճպարար-իլյուզիոնիստ Հմայակ Հակոբյանի ծննդյան օրն է:

Հմայակ Հակոբյանը ծնվել է 1956 թվականին Մոսկվայում՝ հայտնի աճպարար Հարություն Հակոբյանի ընտանիքում։

Հակոբյանը մանկուց մասնակցել է հոր ներկայացումներին։

Դեռ երիտասարդ տարիքում նրան հաջողվել է շահել հանդիսատեսի սերը։ Հմայակի ելույթները լեցուն դահլիճներ էին հավաքում։

Հետագայում Հակոբյանի կարիերան սկսեց սրընթաց զարգանալ։ Նա սկսեց շրջագայել տարբեր քաղաքներում և երկրներում։

Աճպարարի ելույթները մեծ հիացմունքով են դիմավորել աշխարհի ավելի քան վաթսուն երկրներում. Հակոբյանը եղել է Եվրոպայում, Ամերիկայում, Աֆրիկայում:

Հմայակ Հակոբյանը նկարահանվել է նաև կինոյում, աշխատել է «Առավոտյան փոստի» հաղորդավար, վարել է «Բարի գիշեր, փոքրիկներ» հաղորդումը: