Պետք է աշխարհին ցույց տալ՝ Արցախը եղել ու միշտ լինելու է հայկական. Alpha News-ի հարցումը

Alpha News-ը հարցում է անցկացրել Երևանում, Մոսկվայում և Լոս Անջելեսում՝ պարզելու մեր հայրենակիցների վերաբերմունքը՝ ի պաշտպանություն Արցախի, ժողովրդական լայնածավալ շարժում սկսելուն:

Հարցվածները վստահեցնում են՝ բոլորը պետք է ոտքի կանգնեն և համաժողովրդական շարժում սկսեն՝ ի աջակցություն և փրկություն Արցախի:

«Պետք է ամբողջ աշխարհին ցույց տալ, որ Արցախը եղել է ու միշտ լինելու է, արցախցին մենակ չէ: Պետք է համաժողովրդական շարժում սկսել, որ ցույց տանք՝ մենք կանք»,- ասել է Մոսկվայի հայերից մեկը:

««Արցախը վտանգի մեջ է, բայց մեր՝ հայերիս, պարտականությունը այն պաշտպանելն է», «Մենք Արցախին պետք է ցույց տանք, որ նա մենակ չէ», «Կապ չունի, որ Հայաստանում չենք ապրում: Մեկ է՝ մենք անում և անելու ենք ամեն ինչ, որ Արցախը ազատ լինի»»,- Alpha News-ին ասել են հարցման մասնակիցները: