Անգլերենի՞ քննություն, թե՞ հոգեբանական դիմացկունության փորձություն. «Ուշադրությունից դուրս»
15 Փետրվարի 2026, 14:00
Հունվարի 31-ին անգլերենի միասնական քննությունը վերածվեց իսկական իրարանցման: Թեստերում հայտնաբերված տպագրական և բովանդակային խոտանը խուճապ առաջացրեց ոչ միայն դիմորդների, այլև Գնահատման և թեստավորման կենտրոնի (ԳԹԿ) աշխատակիցների շրջանում: Արդյունքում՝ շատերը չկարողացան կենտրոնանալ, և քննական գործընթացը տապալվեց: Նշանակվեց նոր քննություն:
ԳԹԿ-ն խնդիրը հիմնավորում է դիմորդների աննախադեպ մեծ թվով, սակայն միջադեպը վեր հանեց ավելի խորքային հարցեր: Մինչ պետական մակարդակով խոսվում է համատարած թվայնացման մասին, քննական համակարգը դեռևս կառչած է մնում թղթին և «քսերոքսին»:
Կրթության փորձագետներն ու հոգեբանները նախազգուշացնում են. սա պարզապես տեխնիկական վրիպակ չէ, այլ հոգեբանական հարված հարյուրավոր պատանիների համար: Ստեղծված նախադեպը կարող է ապագայում դիմորդների մոտ ձևավորել հարցաշարերում սխալներ փնտրելու մոլուցք և խորը անվստահություն համակարգի հանդեպ:
Հիմա եթերում
