Արդյունաբերության երկնիշ անկում. ապոկալիպսի՞ս, թե՞ կանխատեսված զարգացում
05 Մարտի 2025, 19:27
2025 թվականի հունվարին տնտեսական ակտիվության ցուցանիշի համատեքստում ուշադրության արժանի է արդյունաբերության ծավալների երկնիշ անկումը՝ — 10.4 %: Այդ հանգամանքն ընդգծվել է նաև միջազգային կառույցի կողմից:
Ինչո՞վ է պայմանավորված այդօրինակ անկումն ու պե՞տք է արդյոք շատ մտահոգվել:
Նախ, նշենք, որ արդյունաբերությունն իր բացասական աճով հակազդել է հունվարի ՏԱՑ-ին: Ի դեպ, վերջինիս վրա դրական ազդեցություն են ունեցել առևտուրն ու ծառայությունները:
Ինչ վերաբերում է արդյունաբերության անկմանն, ապա հունվարի երկնիշ անկման համատեքստում մեծ ազդեցություն է ունեցել բազային էֆեկտը: Նախորդ տարվա հունվարին, որի հետ էլ ցուցանիշը համեմատվում է, արդյունաբերության ոլորտում գրանցվել է 19.3 % աճ: Դա բարձր բազա է, որի համեմատ էլ այս տարվա հունվարին աճը բացասական է:
Պատահական չէ, որ նախորդ երկու ամիսներին ևս այս ոլորտի աճը բացասական էր՝ կրկին պայմանավորված բազային էֆեկտով:
Այս իմաստով անկումն իհարկե ապոկալիպսիսի մասին չէ, սակայն հանգամանքը, որ այդ ոլորտի աճն ապահովող արտաքին գործոնը գրեթե զրոյացել է, չի բացառվում, որ առաջիկայում ի հայտ գան խորքային խնդիրներ:
Հիմա եթերում
