Արմեն Գրիգորյանը պատասխանել է Օվերչուկին՝ Երևանի կուրսը չի փոխվի

(Հայաստանի ինչի՞ն է պետք մի իշխանություն, որին բոլորը «քցում են»)

Քաղաքագետ Բենիամին Մաթևոսյանն Alpha News-ի եթերում «Վերնագիր» հեղինակային հաղորդման ընթացքում ներկայացրել է թեմայի շուրջ մասնագիտական վերլուծություն, որում մասնավորապես ասվում է.

«Հայաստանի փորձագիտական հանրությունն արդեն հասցրել է արձագանքել ՌԴ փոխվարչապետ Ալեքս Օվերչուկի նախօրեին արած հայտարարություններին, ով ոչ միայն հայտարարեց, որ ԵԱՏՄ-ն ու ԵՄ-ն անհամատեղելի են, այլև միանգամայն անկեղծորեն մատնանշեց՝ որոշ երկրների օգուտները (այս դեպքում Հայաստանի) որ իրենք ստանում են Ռուսաստանի հետ մտերմությունից, դա նաև պետք է ընկալել որպես վճար, որը ՌԴ-ն վճարում է իր անվտանգության և ռազմավարական խորության համար, ուստի որոշ արտատարածաշրջանային խաղացողների Հայաստան գալը հետևանքներ կունենա։
Ավելին, Օվերչուկի խոսքերի վերաբերյալ մեկնաբանությունների հիմնական լեյտմոտիվն այն է, որ Մոսկվան գրեթե վերջին նախազգուշացումն է արել Հայաստանի իշխանություններին, և որ հարաբերությունների հետագա սրումը հղի է Ռուսաստանի և Հայաստանի տնտեսական շուկաների քայքայմամբ։

Բայց այս մոտեցումը պայմանավորված է իրականության «խելամտության կանխավարկածով» դիտարկմամբ՝ հիմնված այն գիտակցության վրա, որ ոչ միայն տնտեսական, այլև անվտանգության տեսակետից Հայաստանն ու Ռուսաստանը փոխկապակցված են։

Սակայն, ինչպես արդեն նշեցինք նախօրեին, Հայաստանի իշխանությունների իրականության ընկալումն այլ է, և Ռուսաստանի Դաշնության հետ ցանկացած տեսակի (լինի ռազմական, քաղաքական, կամ տնտեսական) հարաբերությունների ամբողջական խզումը բխում է Փաշինյանի և նրա թիմի շահերից, քանի որ միայն այդպիսի Հայաստանում (որը ռուսական ազդեցությամբ զրոյացման պայմաններում թյուրքական աշխարհի մաս է դարձել) ներկայիս իշխանություններն ունեն քաղաքական ապագա։ Այդ իսկ պատճառով Ալեքսեյ Օվերչուկի հայտարարություններին ի սկզբանե ՀՀ իշխանությունների կողմից կառուցողական արձագանք սպասել պետք չէր։
Այս թեզի հաստատումը տեսնելու համար նույնիսկ մեկ օր էլ չպահանջվեց: ՀՀ Անվտանգության խորհրդի քարտուղար Արմեն Գրիգորյանը հերթական անգամ հայտարարեց, որ հենց Ռուսաստանն է Արցախը հանձնել Ադրբեջանին։

«Նախկինում առկա իրավիճակի հետևանքով ունեցել ենք պատերազմ: Ռուսաստանը եկել, մեր… կամ հայերի ձեռքից վերցրել է Ղարաբաղը և վերադարձրել Ադրբեջանին: Սա է տեղի ունեցել, երբ որ մենք ամբողջովին կախված էինք ՌԴ-ից: Սա է եղել իրականությունը: Ռուսաստանը վերցրել է (Ղարաբաղը – խմբ.), ես դա պնդում եմ: Առանց Ռուսաստանի թույլտվության այդ պատերազմը տեղի չէր ունենա: Ես չեմ կարող ասել, թե ինչ է դրա դիմաց ստացել ՌԴ-ն Ադրբեջանից: Պետք է ՌԴ-ին հարցնել, թե ինչ են ստացել դրանից, երբ 2020-ին եկել են, վերջում Լեռնային Ղարաբաղը հանձնել և դուրս են եկել»,- լրագրողների հետ զրույցում ասել ՀՀ Անվտանգության խորհրդի քարտուղար Արմեն Գրիգորյանը։

Նախ՝ ուշադրություն դարձրեք Գրիգորյանի՝ «Լեռնային Ղարաբաղը վերադարձրեց Ադրբեջանին» ձևակերպմանը։ Սա է Արցախի հետ կատարվածի ընթացիկ խնդրի ամբողջ էությունը՝ «Դուք կարող եք «վերադարձնել» միայն այն, ինչը նախկինում ինչ-որ մեկին է պատկանել… »։ Ի՞նչ եք կարծում, եթե մարդիկ նման մոտեցում ունեն Արցախի պատկանելության վերաբերյալ, ապա ինչպե՞ս , ի՞նչ մակարդակով պիտի վարեին 2020 թվականի պատերազմը։ Հնարավո՞ր «է, որ այն մոտեցմամբ, որ «Ղարաբաղը ՎԵՐԱԴԱՌՆՈՒՄ Է Ադրբեջան»:

Երկրորդ, եթե Ռուսաստանը եկավ և հանձնեց Ղարաբաղը, ինչպես պնդում է Արմեն Գրիգորյանը, ապա ստացվում է, որ ինքը և Նիկոլ Փաշինյանը «Ռուսաստանի գործակալներ են»։ Ուրիշ ինչպե՞ս բացատրել այն իրավիճակը, երբ Նիկոլ Փաշինյանը, Ալեն Սիմոնյանը, Արմեն Գրիգորյանը և ՀՀ իշխանությունների այլ ներկայացուցիչներ մի իրավիճակում, երբ, ըստ նրանց, իբր «Ռուսաստանի կողմից Ղարաբաղը Ադրբեջանին է հանձնվել», առնվազն 2022 թվականի հոկտեմբերից գրեթե ամեն օր հայտարարում էին, որ «Ղարաբաղը Ադրբեջան է»։ Իսկ «անտեսանելի ձեռքը», օրինակ՝ Լոնդոնից կամ Վաշինգտոնից, տեղյակ է, որ Հայաստանի Հանրապետությունում իրենց գործընկերները «Ռուսաստանի գործակալներ» են, և «Ռուսաստանի Դաշնության հրահանգով է, որ իրենք չեն միջամտել պատերազմին և Արցախը ճանաչել էն որպես Ադրբեջանի մաս»:

Գրիգորյանը, միաժամանակ, ըստ էության, ոչ մի նոր բան չհնչեցրեց, նա կրկնեց այն, ինչ նախկինում ասել էր Նիկոլ Փաշինյանը, և նույն Սիմոնյան Ալենը, ով վերջերս հայտարարեց, որ «Ռուսաստանի Դաշնությունը խաբել և քցել է Հայաստանի ժողովրդին»: Նշենք՝ սրանից հետո ԱԺ պատգամավոր Ռուբեն Ռուբինյանը նույնպես փաստացի հայտարարեց, որ «Թուրքիան քցել է ՀՀ-ն, քանի որ դիվանագիտական անձնագրեր ունեցողների և երրորդ երկրների քաղաքացիների համար երկրնեի միջև սահմանը բացելու մասին 2022 թ. պայմանավորվածությունները դեռ չեն իրականացվել»։

Այսինքն՝ Հայաստանի իշխանություններին «աջ ու ձախ քցո՞ւմ են»։ Ըստ նրանց՝ դա անում են և՛ ռուսները, և՛ թուրքերը, իսկ Էդմոն Մարուքյանն էլ վերջերս դժգոհում էր, որ եվրոպացիներն՝ ի դեմս Շառլ Միշելի, նույնպես «քցել են» Հայաստանին։

Իսկ ո՞ւմ է պետք այդպիսի իշխանությունը, որին բոլորը «քցում են»:

Մտածե՛ք այդ մասին…»։