Բնակարանները թանկանում են
09 Դեկտեմբերի 2025, 18:15
Հայաստանի անշարժ գույքի շուկան շարունակում է մնալ բավական ակտիվ վիճակում: Դրա մասին վկայում են և՛ անշարժ գույքի գործարքների թվի աճը, և՛ գների: Հատկանշանական, որ ոչ վաղ անցյալում՝ մեկ- երկու ամսվա կտրվածքով որոշակի գնային տատանում նկատվում էր: Այսօվա պատկերը խոսում է կայուն աճի մասին: Ինչո՞վ կարող է սա պայմանավորված լինել:
Նախ՝ ցուցանիշների մասին:
2025 թվականի հոկտեմբերի տվյալներով անշարժ գույքի հետ կապված գործարքների ընդհանուր թիվը կազմել է 22738: Այս թիվը նախորդ տարվա հոկտեմբերի համեմատ ավելացել է 618-ով, այս տարվա սեպտեմբերի համամետ՝ 1754-ով:
Պետք է նշել, որ ընդհանուր գործարքների ամենամեծ մասնաբաժինն անշարժ գույքի առքուվաճառքինն է։ Մեկ ամսում առքուվաճառքի թիվն ավելացել է 619-ով՝վկայելով պահանջարկի մասին:
Պահանջարկի մասին են «խոսում» նաև, օրինակ, բազմաբնակարան շենքերի մեկ քառակուսի մետրի միջին շուկայական արժեքները, որոնք ևս սեպտեմբեր ամսվա համեմատ հոկտեմբերին ավելացել են: Հստակ է՝ կա պահանջարկ, որը մի քանի գործոնով կարող է պայմանավորված լինել:
Գործոններից մեկը հիփոթեքային վարկավորմամբ եկատմահարկի վերադարձի առկայությունն է, որի հնարավորությունը շատ կառուցապատողներ դեռ ունեն: Երկրորդ գործոնը, կառուցապատողների կողմից տարատեսակ ճկուն մեխանիզմներով աշխատելն է, օրինակ՝ տարաժամկետ վճարումների հնարավորությունների համակարգը: Մյուսը՝ բանկերի կողմից ֆինանսավորման հնարավորությունները, որից ևս հանրությունն ունի օգտվելու ցանկություն: Ցանկացած պարագայում կա տպավորություն, որ որոշակի շտապողականություն կա, ինչը վերոնշյալ գործոնների ժամանակավոր լինելը հաշվի առնելով, շատ հասկանալի է:
Իսկ ի՞նչ է տեղի ունենում արդյունքում․ շուկան շարունակում է տաքանալ՝ ենթադրելով բազմաթիվ ռիսկեր, օրինակ՝ հանրության վարկային բեռի շարունակական աճ, ռիսկեր ֆինասնաբանկային ոլորտի համար, ռիսկեր՝ կառուցապատման ոլորտի համար:
Բայց այսօրվա վիճակը ենթադրում է նաև, որ պահպանվող, եթե չասենք՝ աճող պահանջարկի արդյունքում հանրության համար թանկ կլինեն բանկային պրոդուկտներն ու ծառայությունները: Օրինակ՝ վարկերը կշարունակեն սպասարկվել բարձր տոկոսադրույքով։
Հիմա եթերում
