Դավիթ Սահակյանց․ «Արցախի, իրական մտավորականության և ընտրված ուղու մասին». «Ալֆա զրուցակից»
06 Ապրիլի 2026, 20:00
«Ալֆա զրուցակից» փոդքասթի շրջանակում Alpha News-ի գլխավոր խմբագիր Տիգրան Քոչարյանը զրուցել է նկարիչ և մուլտիպլիկատոր Դավիթ Սահակյանցի հետ։
Զրույցը սկսվել է մասնագիտական ընտրության պատմությունից․ Սահակյանցը պատմել է, թե ինչպես ծնողների ազդեցությունը դեր խաղաց իր ճանապարհի ընտրության մեջ։ Նա անդրադարձել է նաև ԿՎՆ-ի տարիներին՝ հիշելով իր առաջին գրված կատակն ու քննարկելով, թե արդյոք այդ փորձը օգնում էր, թե խանգարում աշխատանքին։
Հաջորդ թեման բանակի տարիներն էին․ զորակոչվելու փորձառությունը և այդ փոփոխության դժվարությունները։ Սահակյանցը կիսվել է Արցախյան պատերազմի հիշողություններով, մասնավորապես՝ Շուշիի ազատագրման դրվագներով։ Նա ընդգծել է, որ կյանքը փոխվել է, և այլևս ռոմանտիզմ չի մնացել։
Զրույցում քննարկվել է նաև «Սահակյանց» ազգանվան պատմությունը, Արշավիր Սահակյանցի դերը, ինչպես նաև հարցը՝ արդյոք բոլոր Սահակյանցները նույն ոլորտից են։ Դավիթ Սահակյանցը պատմել է իր հայրիկի գլուխգործոցների կյանքի կոչման պատմությունը։
Նա անդրադարձել է Կինոգործիչների միության հետ ունեցած հարաբերություններին, դուրս գալու պատճառներին, ինչպես նաև մտավորականների արտագաղթի թեմային։
Զրույցի կարևոր մասը եղել է այն հարցը, թե ինչպես կարելի է ապահովել, որ խելացի մարդկանց խոսքը լսելի լինի, և արդյոք դրա համար հարթակ չկա։ Քննարկվել են նաև 2021թ․ ընտրությունների արդյունքները և իշխանության հանդեպ ժողովրդի վերաբերմունքը։
Նա անդրադարձել է Փաշինյանի խաղաղության մասին խոսքերին և դրանց հակասությանը՝ պատերազմների իրականության հետ։
Զրույցի ավարտին Սահակյանցը շեշտել է, որ եթե մենք ապրում ու ստեղծագործում ենք այս երկրում, պետք է ամեն ինչ անել, որպեսզի դուրս բերենք ՀՀ-ն այս վիճակից։ Նա ընդգծել է իշխանափոխության անհրաժեշտությունը և պատասխանել հարցին, թե եթե փոքր Դավիթը հնարավորություն ունենար կրկին ընտրելու իր ճանապարհը, արդյոք նույնը կընտրեր։
Հիմա եթերում
