«Էթնիկ կոդ». Ռուսլան Մարտիրոսյան
02 Հոկտեմբերի 2024, 22:00
Ի՞նչն է օգնում մեզ՝ հայերիս, որտեղ էլ որ ապրենք, սիրված և պահանջված լինել, հասնել հաջողության, պահպանել ազգային ու ընտանեկան արժեքները։
Alpha News-ի «Էթնիկ կոդ»-ի հերթական թողարկման հերոսը «Naked Science» գիտահանրամատչելի հրատարակության հիմնադիր Ռուսլան Մարտիրոսյանն է։
«Ծնողներս Ախալքալաքից են։ Ես նույնպես ծնվել եմ Ախալքալաքում։ Զինվորական ընտանիքից եմ, մայրս զինվորական բժիշկ է, հայկական բանակում ծառայել է ավելի քան 20 տարի։ Հայրս ռազմական օդաչու է, Ղարաբաղյան առաջին պատերազմի մասնակից։ Նա մասնակցել է Հայաստանի ռազմաօդային ուժերի ձևավորմանը, ավելի քան 15 տարի ղեկավարել է Հայաստանում միակ ավիավերանորոգման ձեռնարկությունը»,- ասել է Մարտիրոսյանը։
Նրա խոսքով՝ այսօր նման մասնագետը, նման լուրջ ձեռնարկության ղեկավարը մնացել է առանց աշխատանքի։
«Մարդն ուզում է օգնել իր պետությանը, բայց դա նրան ուղղակի թույլ չեն տալիս։ Չգիտեմ, թե որն է պատճառը, բայց ոչ հաստատ կոմպետենտության բացակայությունը»,- ընդգծել է Մարտիրոսյանը։
Նա պատմել է, որ մեծացել է Գյումրիում, դպրոցն էլ այնտեղ է ավարտել։
«Դպրոցն ավարտելուց հետո ցանկություն ունեի ընդունվել ավիացիոն ուսումնարան, բայց ինչ-ինչ պատճառներով, այդ թվում՝ անարդարության մթնոլորտի, ընդունվեցի Յարոսլավլի ռազմա-ֆինանսական տնտեսական ակադեմիա։ Զինվորական դառնալու իմ ընտրության հարցում, միանշանակ, դեր խաղացին հենց ծնողներս»,- հավելել է Alpha News-ի զրուցակիցը։
Հիմա եթերում
