Ֆինանսական շուկաները դրական են արձագանքել Պուտին-Թրամփ հեռախոսազրույցին
14 Փետրվարի 2025, 18:36
Փետրվարի 12-ին ԱՄՆև ՌԴ նախագահների հեռախոսազրույցի որոշ մանրամասների հրապարակումից հետո թռիչքային աճ է արձանագրվել ֆինանսական շուկաներում:
Բնական է, որ ամենամեծ արձագանքը ռուսական շուկաների խաղացողների մոտ էր: Հեռախոսազրույցից հետո «Մոսբիրժայի» ինդեքսն ավելացել է 5 %-ով, իսկ առավոտյան բորսան առևտուրը սկսել է արդեն 6.6 %-անոց աճով: Իսկ արդեն փետրվարի 13-ի երեկոյան հայտնի դարձավ, որ ներդրողների հոսքերից բորսան ժամանակավորապես դադարեցրել է աշխատանքները:
Ի դեպ, առաջատար կազմակերպությունները, որոնք գտնվում են պատժամիջոցների ներքո, այդ օրը ևս աճ են գրանցել։
Ռուսական ռուբլին ևս ամրապնդել է իր դիրքերը դոլարի նկատմամբ: Թեև պետք է նշել, որ մի քանի այլ գործոններով պայմանավորված ռուբլին դեռ տարեսկզբից դոլարի նկատմամբ արժևորվել է շուրջ 14 տոկոսով, իսկ հեռախոսազրույցը նոր թափ է հաղորդելայդ միտմանը:
Բավական հետաքրքիր է համաշխարհային ֆինանսական շուկաների արձագանքը:
Մասնավորապես՝ ասիական ինդեքսները հիմնականում աճել են, իսկ ամերիկյան ինդեքսները գրանցել են անկում: Սա իհարկե հասկանալի է, քանի որ ցանկացած պարագայում խոսքը վերաբերում է մրցակցող շուկաներին: Հետաքրքիրը եվրոպական շուկաներիդրական արձագանքն է, թեև քաղաքական առումով հեռախոսազրույցից հետո ոչ միանշանական վերաբերմունք է ձևավորվել: Սա ցուցադրում է եվրոպական տնտեսական համայնքի՝ կոնֆլիկտից հոգնածության մասին:
Նշենք նաև, որ նավթի գները ևս, ՌԴ-ի նկատմամբ կիրառվող արգելքների հնարավոր թուլացման ֆոնին, նվազել են։
Հիմա եթերում
