Հիփոթեքով բնակարան օտարերկրացիներին. արդյոք կօգտվեն նաև ադրբեջանցիները. «Ուշադրությունից դուրս»
26 Հոկտեմբերի 2025, 14:00
Քաղաքացիներն, այդ թվում՝ օտարերկրյա ներդրողները, կկարողանան անշարժ գույք ձեռք բերել Հայաստանում՝ օգտագործելով հիփոթեքային վարկ, առանց նոտարական վավերացման կամ պարտադիր անձնական ներկայության։ Այս մասին անցյալ շաբաթ ԱԺ տնտեսական հարցերի մշտական հանձնաժողովի նիստում հայտարարեց Կադաստրի կոմիտեի ղեկավար Սուրեն Թովմասյանը։
Փոփոխությունները, մասնավորապես, վերաբերում են այն եռակողմ համաձայնագրերին, որոնց կողմերն են բանկը կամ վարկային կազմակերպությունը, գնորդը և վաճառողը։ Թովմասյանի խոսքով՝ նման պայմանագրերը պետք է ներկայացվեն իրավունքի պետական գրանցման համար՝ առանց որևէ նոտարական վավերացման։ Բանկն իր հերթին, որպես հիփոթեքային վարկատու, պետք է էլեկտրոնային եղանակով պայմանագիր ներկայացնի Կադաստրի կոմիտե։
Ըստ պաշտոնյայի՝ այս նախաձեռնությունը հետապնդում է երկու հիմնական նպատակ, մասնավորապես՝ գործընթացների պարզեցումը և ծախսերի կրճատումը։
Արդյոք օրենսդրական նոր փոփոխությունից կարող են օգտվել նաև «հարևան երկրների» քաղաքացիները, մասնավորապես՝ ադրբեջանցիներն ու թուրքերը՝ Հայաստանում հեռավար անշարժ գույք գնելով։
Alphanews-ը թեման քննարկել է անշարժ գույքի մասնագետների հետ։
Հիմա եթերում
