Արդյունաբերության մտահոգիչ անկումը
13 Նոյեմբերի 2025, 11:25
Հայաստանի արդյունաբերության արտադրանքի ծավալների շարունակական անկումն ուղեկցվում է տնտեսական ակտիվության դեռևս բարձր պահպանվող աճով:
Մասնավորապես, այս տարվա հունվար-սեպտեմբերին արդյունաբերության անկումը կազմել է -5,7%, այդ թվում՝ հանքարդյունաբերությունը կրճատվել է -0,5 %-ով, մշակող արդյունաբերությունը՝ -10,2 %-ով: Վերջինիս շարունակական անկումը տնտեսության իրական հատվածի պոտենցիալի մասին ցուցիչ է:
Նշենք, որ նման անկումն առավելապես պայմանավորված է հիմնային մետաղների ապրանքախմբում -58 % նվազմամբ: Սա իր հերթին, ոսկու վերաարտահանման ազդեցության չեզոքացման արդյունք է: Իրական հատվածում արտադրության ու ավանդաբար արտահանվող ապրանքախմբերից խմիչքների դեպքում ևս ունենք անկում՝ — 13,8 %, հագուստի արտադրությունն էլ նվազել է -1,5%-ով: Սրանք այն ուղղություններ են, որոնց նվազումը կապ չունեն վերաարտահանման ազդեցության հետ, ուստի սա արդեն մտահոգիչ վիճակագրություն է:
Մյուս կողմից, տնտեսության իրական հատվածում տեղի ունեցած տրանսֆորմացիան լավագույնս երևում է 2017թ-ի համադրելի ժամանակահատվածի հետ համեմատության մեջ: Այդ ընթացքում և՛ խմիչքի արտադրության աճն էր դրական, և՛ հագուստի, և՛ հիմնային մետաղների՝ համապատասխանաբար 36,5%, 29,5% և 9,1%։
Ընդ որում, ուշադրության է արժանի հանգամանքը, որ հիմնային մետաղները, որոնք այդ ընթացքում չէին գտնվում արտաքին ազդեցությունների ներքո, 9,1 % աճի ներքո էին:
Հիմա եթերում
