Կապիտալի մուտքը Հայաստան կրճատվել է
14 Մարտի 2025, 18:31
2025թ. հունվար-փետրվարին դեպի Հայաստան մարդկային և ֆինանսական կապիտալ հոսքերը կրճատվել են:
Փետրվարին մեր երկիր այցելած զբոսաշրջիկների թիվը նախորդ տարվա փետրվարի համեմատ կրճատվել է գրեթե 10 000-ով: Նշենք նաև, որ հունվարին ևս 2024թ-ի հունվարի համեմատ զբոսաշրջիկների թիվը նվազել է շուրջ 15 հազարով։
Չնայած այս կրճատմանը, դեպի Հայաստան առավել շատ զբոսաշրջային այցելություններ շարունակում են գրանցվել Ռուսաստանից։ ՌԴ-ին հաջորդում է Վրաստանը, ապա՝ Իրանը:
Այս ցուցանիշի մասին խոսելիս, հատկապես վերջին տարիներին, պետք է հիշել, որ խոսքը բացառապես դասական զբոսաշրջային այցերին չի վերաբերում, եթե չասենք՝ մեծամասամբ իրենց չի վերաբերում: Ինչևէ, ցանկացած պարագայում, այդ այցերը փոխկապակցված են տեղում աշխուժության, ակտիվության, ինչպես նաև՝ դեպի ՀՀ դրամական հոսքերի հետ, որոնց մասով ևս ունենք անկում:
Մասնավորապես, փետրվարին 2025թ-ի հունվարի համեմատ կրճատվել է բանկերի միջոցով Հայաստան փոխանցվող գումարների ներհոսքը, մինչդեռ արտահոսքն ավելացել է։
Այս ամենն, իհարկե, ունեն և կունենան իրենց համարժեք ազդեցությունը:
Հիմա եթերում
