Մարզային դպրոցների «մահախոսականը». 229 դպրոցում զանգը կհնչի վերջին անգամ.«Ուշադրությունից դուրս»
01 Մարտի 2026, 14:00
Սեպտեմբերից Հայաստանի մարզերում փակվելու են մինչև 100 աշակերտ ունեցող դպրոցները. նման դպրոցների թիվը հասնում է 229-ի, որից 55-ը գտնվում են սահմանամերձ բնակավայրերում։ Սակայն ԿԳՄՍ նախարարությունը հերքում է դպրոցների փակման լուրը: Պաշտոնական որոշումը, որն ընդունվել է դեռ 2023 թվականին, ունի հետևյալ անվանումը՝ «Հայաստանի Հանրապետության կրթական որակյալ ծառայությունների հասանելիության ապահովման ծրագիր»:
Ըստ Ազգային կրթության խորհրդի՝ թեև նախագիծը վերաբերում է որակյալ կրթության նոր չափանիշների ներդրմանը (մեծ դասասենյակներ, աշակերտական մեծ համակազմ և ուսուցիչներ), այդ փոփոխությունները ենթադրում են նաև որոշակի հետևանքներ. սեպտեմբերից լուծարվելու է 229 դպրոց:
Ազգային կրթության խորհրդի անդամ Արմեն Ներսիսյանը «Ալֆանյուզ»-ի հետ զրույցում ընդգծել է, որ սեպտեմբերից Ամասիայում գործող 19 դպրոցից 15-ը փակվելու է:
Ըստ կրթության ոլորտի փորձագետ Ատոմ Մխիթարյանի՝ 2026 թվականին մարզային դպրոցներին բյուջեով հատկացվող գումարը կիսով չափ պակաս է, քան 2025-ին տրամադրված ֆինանսավորումը:
Ոլորտի մասնագետները զգուշացնում են՝ մարզային դպրոցների փակմամբ առաջանալու են ոչ միայն կրթական խնդիրներ. մարզաբնակները բախվելու են սոցիալ-տնտեսական, ժողովրդագրական, տարաբնակեցման և ֆիզիկական անվտանգության լուրջ խնդիրների:
Հիմա եթերում
