Մի շարք կարևոր ծառայություններ թանկացել են
18 Հոկտեմբերի 2024, 18:20
ՀՀ-ում սպառողական գների ինդեքսը շարունակում է մնալ ցածր տիրույթում։ Չնայած այն հանգամանքին, որ, օրինակ սննդամթերքի ապրանքախմբում աճը նախորդ տարվա համեմատ անգամ բացասական է, կյանքը մեզ մոտ ավելի էժան չի դառնում։
Պատճառներից, թերևս, առաջին հերթին այն ժամանակաշրջանների հետ համեմատությունն է, որոնց ընթացքում (2020թ-ից սկսած) բարձր գնաճային միջավայրն էր։ Մյուս կողմից, Սպառողական գների ինդեքսի կառուցվածքի ուսումնասիրությունն է վերհանում հանգամանքը, որ թեև սննդամթերքի գները անկում են ապրել (հիշենք, որ անկումը նախորդ բարձր աճերի համեմատ է), այնպիսի կարևոր ծառայություններ, ինչպիսիք են առողջապահությունը, տրանսպորտն ու կրթությունը էականորեն թանկացել են, համեմապատասխանաբար՝ 2%, 9 % և 7,8%։
Ի դեպ, տրանսպորտի հետ կապված նշենք, որ 2025թ, հունվարի 1-ից թանկանալու է։ Ըստ Երևանի ավագանու որոշման՝ սակագնային առաջարկները տարբեր են, մինչդեռ բոլորի դեպքում թանկացումներն անգամներով կլինեն։
Տրանսպորտի թանկացումը շղթայական ազդեցություն է ունենալու այլ ապրանք/ ծառայությունների գների վրա, ինչը վկայում է, որ սպառողական գների ինդեքսի այսօրվա ցածր լինելը ոչ միայն ներկայումս չի երաշխավորում ավելի մատչելի կյանք, այլև ապագայում կարող է բարձրանալ։
Հիմա եթերում
