Փետրվարին տնտեսական ակտիվության «հետաճ» է գրանցվել
26 Մարտի 2025, 21:55
Տնտեսական ակտիվության ցուցանիշը (ՏԱՑ) այս տարվա փետրվարին աճել է ընդամենը 1,5 %-ով։ Դա հաջորդում է հունվարի 7,1 % աճին, ինչն էական դանդաղել է։ Հունվար-փետրվարի կուտակային աճը ևս դանդաղել է՝ կազմելով 4,1 %։
Մտահոգիչ է հատկապես այն, թե ինչի հաշվին է նման հետընթաց ապրել տնտեսական ակտիվությունը։
Թե՛ այս տարվա փետրվարին նախորդ տարվա փետրվարի հետ համեմատ, թե՛ հունվար-փետրվար համատեքստում բավական մեծ անկում է գրանցվել արդյունաբերության, արտաքին առևտրաշրջանառության ոլորտներում։ Փետրվարին արդյունաբերությունը նվազել է 26,6 %-ով, արտաքին առևտուրը՝ 61%-ով։ Փոխարենը որոշակի աճին նպաստել են շինարարության ու ծառայությունների ոլորտները, որոնց հիմքերը ևս կայուն չեն։
ՏԱՑ-ի 12-ամսյա ցուցանիշի դինամիկան ևս իրավունք է տալիս այդ անկումների շարունակականության մասին կանխատեսումներ անել։
Այդ մտահոգիչ իրավիճակի համար առավել քան կարևոր են արտաքին եղած տնտեսական հնարավորությունների ընդլայնումն ու զարգացումը։ Բայց խոսքը եղածների, այլ ոչ թե նոր՝ անհեռանկարային ուղղությունների մասին է։
Հիմա եթերում
