Թռիչք իմ տան վրայով / Սևակ Ասրյան
05 Սեպտեմբերի 2024, 22:00
Հաղորդաշարի հիմքում հայրենի հողն է, պապական օջախը, երջանիկ մանկությունն ու պատանեկությունը, Արցախ վերադառնալու հույսը, հուշերով լցված ներկան…
«Արցախ աշխարհը անհնար է չսիրել: Դեռ մանկուց ուսումնասիրում էի մեր հայրենիքը: Խոստովանեմ՝ այն սկսեցի ավելի շատ սիրել իմ լուսանկարների շնորհիվ: Սիրեցի այն Արցախը, որը թաքնված էր սարերում ու անտառներում, այնտեղ, որտեղ ոչ բոլորն էին կարողանում բարձրանալ»,- զրույցում նշել է լուսանկարիչ Սևակ Ասրյանը:
Նա նաև նշում է, եթե մի քանի տարի առաջ իմանար, որ այդ լուսանկարները պատմություն կդառնան՝ ավելի շատ կնկարեր․
«Միշտ ասում էի, որ երբեք Արցախ աշխարհը սև-սպիտակ գույներով չեմ ներկայացնի իմ լուսանկարներում: Չէ՞ որ գույները մարդուն ուրախություն են պարգևում, իմ նկարներում էլ Արցախը պետք է երգ և ուրախություն պարգևի։ Հայրենիքը հեռվից կարող ես կարոտել և ատել, բայց ես հայրենիքը ասոցացնում եմ սիրելի մարդու հետ, որին պետք է սիրել, վայելել և թույլ չտալ՝ իր սիրտը ցավի: Այո, կարոտը և ցավը հայրենի հողի հանդեպ միշտ էլ կան: Բայց ես չեմ կարող հիմա կիսել իր ցավը: Հետևաբար, չգիտեմ, կարո՞ղ եմ սիրել հեռվից, թե ոչ: Միայն մի բան գիտեմ՝ լոխ լյավ ա ինան»,- նշել է Ասրյանը:
Հիմա եթերում
