Պյատիգորսկում տեղի կունենա «Քրիստոնեության ընդունումը Հայաստանում» ներկայացումը
21 Փետրվարի 2024, 16:09
![](https://media.alphanews.am/wp-content/uploads/2024/02/20111338/photo_5377704955227528504_y.jpg)
Փետրվարի 25-ին Պյատիգորսկի հայ համայնքում տեղի կունենա հոգևոր միջոցառում, որտեղ կներկայացվի քրիստոնեության ծագման, ամբողջ աշխարհում դրա տարածման պատմությունը, ինչպես նաև կպատմվի այն մասին, թե ինչպես է քրիստոնեությունը դարձել հայ ժողովրդի անբաժանելի մասը: Այս մասին հայտնում է «Պյատիգորսկի հայկական համայնք» տելեգրամ ալիքը։
Միջոցառմանը կցուցադրվի նաև «Քրիստոնեության ընդունումը Հայաստանում» թատերականացված ներկայացումը, որը թույլ կտա ավելի լավ հասկանալ և տեսնել քրիստոնեության և Հայաստանի դարերի ողջ պատմությունն ու անքակտելի կապը:
Միջոցառման կազմակերպիչն է Պյատիգորսկի հայ համայնքի երիտասարդական կազմակերպությունը: