Քանդակագործ Աշոտ Պողոսյանը լեգենդար ֆուտբոլիստ Կաֆուին բրոնզե արձանիկ է նվիրել

Աշխարհի կրկնակի չեմպիոն, Բրազիլիայի հավաքականի նախկին ավագ Կաֆուն Մոսկվայում մասնակցել է «Բուքմեյքերների վարկանիշ» միջազգային մրցանակի դափնեկիրների պարգևատրման հանդիսավոր արարողությանը: Այս մասին գրում է news.rambler.ru-ն:

Հայ անվանի քանդակագործ Աշոտ Պողոսյանն իր մամուլի ասուլիսի ժամանակ լեգենդար ֆուտբոլիստին անձամբ նվիրել է բրոնզե արձանիկ, որը պատրաստվել է հատուկ անվանի մարզիկի ժամանման համար:

Նա Կաֆուին պատկերել է հաղթանակի պահին՝ 2002 թվականին աշխարհի առաջնության եզրափակիչ խաղից հետո գավաթը ստանալիս։