Քարտեզները միայն ՌԴ-ի մոտ չեն, դրանք տարբեր միջնորդների կողմից տրամադրվել են կողմերին. փոխնախարար
27 Հոկտեմբերի 2023, 15:57
![](https://media.alphanews.am/wp-content/uploads/2023/10/27155627/54403432_0_0_1600_901_1920x0_80_0_0_e480b181a989a237609d32c1acc02418-1.jpg)
«3+3»-ը Հայաստան-Ադրբեջան հարաբերությունների կարգավորման հարթակ չէ, այլ տարածաշրջանային համագործակցության հարթակ: Այս մասին լրագրողների հետ ճեպազրույցում ասել է ԱԳ փոխնախարար Վահան Կոստանյանը՝ անդրադառնալով Բրյուսելում նախատեսված հանդիպման չեղարկմանը։
Ըստ նրա՝ նպատակը ոչ թե հարթակներն են, այլ հարևանների հետ հարաբերությունների կարգավորումը։
Կոստանյանն անդրադարձել է ՌԴ ԱԳ նախարար Սերգեյ Լավրովի հայտարարությանը, թե խորհրդային ժամանակներից մնացած քարտեզները գտնվում են միայն Ռուսաստանի ձեռքում։
Ըստ Կոստանյանի՝ 1974-78թթ․ քարտեզները առկա են, ու թե՛ հայկական կողմն է ծանոթ դրանց, թե՛ ադրբեջանական։ Նա նաև հավելել է, որ այդ քարտեզները տարբեր միջնորդների կողմից տրամադրվել են կողմերին։