ՔՊ-ական Վիլեն Գաբրիելյանը վայր է դնում պատգամավորական մանդատը
01 Ապրիլի 2025, 10:09
ԱԺ ՔՊ պատգամավոր Վիլեն Գաբրիելյանը վայր է դնում պատգամավորական մանդատը:
«Անցած կիրակի Գյումրի քաղաքում իմ մասնակցությամբ այսպես ասած միջադեպերը համարում եմ ոչ վայել Հայաստանի Հանրապետության Ազգային Ժողովի պատգամավորի վարքին: ԱԺ պատգամավորն իր առաքելությունում պարտավոր է չդրսևորել անհարկի վարքագիծ:
Ըստ այդմ՝ բոլորիցդ հրապարակային հայցում եմ ներողություն և պաշտոնապես հայտարարում եմ, որ վայր եմ դնում ԱԺ պատգամավորի մանդատս: Դիմումը այսօր սահմանված կարգով կհանձնեմ ԱԺ աշխատակազմ»,- ֆեյսբուքյան իր էջում գրել է իշխանական պատգամավորը:
Հիշեցնենք, որ մարտի 30-ին Գյումրիում միջադեպ է տեղի ունեցել ընտրությունները լուսաբանող լրագրողների և Վիլեն Գաբրիելյանի միջև։ Պատգամավորը եղել է ալկոհոլի ազդեցության տակ։
Հիմա եթերում
