Ռաֆայել Հարությունյանն ընդգրկվել է ԱՄՆ գեղասահքի Փառքի սրահում

Ամերիկահայ մարզիչ Ռաֆայել Հարությունյանը, ով աշխատում է աշխարհի առաջատար գեղասահորդների հետ, պաշտոնապես ընդգրկվել է U.S. Figure Skating Hall of Fame-ում՝ ԱՄՆ գեղասահքի Փառքի սրահում։

Հանդիսավոր արարողությունը տեղի է ունեցել Սենթ Լուիսում՝ ԱՄՆ-ի ազգային առաջնության շրջանակներում։ Այս ճանաչումը շնորհվում է նրանց, ովքեր նշանակալի ավանդ են ներդրել գեղասահքի զարգացման գործում։ Հարությունյանն ընդգրկվել է 2026 թվականի դասում՝ լեգենդար օլիմպիական չեմպիոն Նեյթան Չենի հետ միասին, ում հետ նա հասել է բացառիկ արդյունքների միջազգային ասպարեզում։

Իր կարիերայի ընթացքում Հարությունյանը կրթել և մարզել է մի շարք ականավոր մարզիկների. բացի Չենից, նրա սաների թվում են համաշխարհային գեղասահքի այնպիսի աստղեր, ինչպիսիք են Միշել Քվանը, Սաշա Քոենը, Էշլի Վագները և Մաո Ասադան։