«Ռազմական ժամանակաշրջանի երաժշտություն» աուդիոգրադարանի սկավառակներից մեկը նվիրված է Արամ Խաչատրյանի երաժշտությանը
08 Մայիսի 2024, 20:05
Հայրենական մեծ պատերազմում տարած հաղթանակի օրը տեղի կունենա Ռուսաստանի վաստակավոր արտիստ Ալեքսանդր Տիտովի նախաձեռնությամբ ստեղծված «Ռազմական ժամանակաշրջանի երաժշտություն» եզակի աուդիոգրադարանի բացումը:
Այս նախագիծը, որը ստեղծվել է 2008-ից 2024 թվականներին, ճանաչվել է վերջին տասնամյակների Ռուսաստանի ակադեմիական երաժշտության ամենակարևոր, եզակի և մասշտաբային նախաձեռնություններից մեկը: 2008 թվականից նախագծի շրջանակներում ձայնագրվել է 23 ձայնասկավառակ, որոնցից վերջինը նվիրված է հայ մեծանուն կոմպոզիտոր, մանկավարժ և դիրիժոր Արամ Խաչատրյանի երաժշտությանը:
Բոլոր ձայնագրություններն իրականացվել են Սանկտ Պետերբուրգի պետական ակադեմիական սիմֆոնիկ նվագախմբի կողմից, որպես մենակատարներ հանդես են եկել հայտնի երաժիշտներ, ինչպես նաև Սանկտ Պետերբուրգի համերգային երգչախումբը: Սանկտ Պետերբուրգի պետական ակադեմիական սիմֆոնիկ նվագախմբի պաշտոնական կայքում առաջին անգամ ունկնդրման համար կբացվի բացառիկ աուդիո գրադարան:
Հիմա եթերում
