ՌԴ ԱԳՆ-ն տեղեկություն է խնդրել ռուս լրագրողի մուտքը ՀՀ արգելելու վերաբերյալ․ Զախարովա
20 Նոյեմբերի 2025, 20:12
ՌԴ ԱԳՆ պաշտոնական ներկայացուցիչ Մարիա Զախարովան հայտնել է, որ գերատեսչությունը հարցում է ուղարկել ռուս լրագրող Դմիտրի Սելեզնյովի մուտքը Հայաստան արգելելու պատճառների վերաբերյալ պարզաբանում ստանալու համար։
Նրա խոսքով՝ մտահոգիչ է այն փաստը, որ չկա որևէ տեղեկություն այն մասին, թե երբ են լրանում սահմանափակումների ժամկետները, արդյոք լրագրողը մեղադրվում է հանրապետության տարածքում որևէ հանցագործության մեջ։
Հիշեցնենք, որ Դմիտրի Սելեզնյովը մի քանի անգամ այցելել է Լեռնային Ղարաբաղ, 2020 թվականի 44-օրյա պատերազմի ժամանակ աշխատել է որպես ռազմական թղթակից։ Օրեր առաջ լրագրողն ընտանիքի հետ եկել է Հայաստան, սակայն նրան մոտ երեք ժամ պահել են Երևանի «Զվարթնոց» օդանավակայանի սահմանային անցակետում , որից հետո ԱԱԾ սահմանապահ ծառայության աշխատակիցները տեղեկացրել են, որ նրա մուտքը երկիր արգելվել է:
Հիմա եթերում
