ՌԴ ԱԳՆ-ն տարակուսանք է հայտնել ադրբեջանական ԶԼՄ-ներում հակառուսական հրապարակումների առնչությամբ
28 Հունվարի 2025, 09:30
ՌԴ փոխարտգործնախարար Միխայիլ Գալուզինը Մոսկվայում Ադրբեջանի դեսպան Ռահման Մուստաֆաևի հետ հանդիպման ժամանակ, որը հրավիրվել էր նախարարություն, նշել է ադրբեջանական ԶԼՄ-ներում Ռուսաստանի հասցեին հնչեցված մեղադրանքների անհիմն լինելը: Այս մասին ասվում է ՌԴ ԱԳՆ հաղորդագրության մեջ։
«Այդ կապակցությամբ տարակուսանք է արտահայտվել ադրբեջանական ԶԼՄ-ների մի շարք հակառուսական հրապարակումների, ինչպես նաև Բաքվում «Ռուսական տան» դեմ տարվող ապատեղեկատվության առնչությամբ: Մեղադրանքները բացարձակապես անհիմն են», — ասվում է հաղորդագրության մեջ։
Նախարարությունից նաև հայտնել են, որ «2024 թվականի դեկտեմբերի 25-ին Ղազախստանի Ակտաու քաղաքի մոտակայքում «Ադրբեջանական ավիաուղիներ»-ի ինքնաթիռի կործանման թեման քննարկելիս շեշտվել է պաշտոնական հետաքննությունն ավարտելու և դրա արդյունքների հրապարակման անհրաժեշտությունը՝ տեղի ունեցած ողբերգության բոլոր հանգամանքները պարզելու համար»:
Ավելի վաղ ԶԼՄ-ներում ադրբեջանցի օդաչուների՝ ռուսական դիսպետչերների հետ բանակցությունների հրապարակումից հետո, որոնք փորձում էին փրկել ինքնաթիռը, Ադրբեջանը չի կարողացել վարքագծի կառուցողական գիծ մշակել։
Հիմա եթերում
