ՌԴ-ի աշխատանքի նախարարությունը խստացրել է միգրանտների նկատմամբ պահանջները

ՌԴ աշխատանքի նախարարությունը պարզաբանել է, որ մի շարք մասնագիտությունների համար, այդ թվում՝ բուժաշխատողների, վարորդների ու վաճառողների, օտարերկրյա մասնագետների ընդունումը հնարավոր է միայն ռուսերեն լեզվի իմացության դեպքում։ Այս մասնագիտություններն ընդգրկված չեն կառավարության քվոտաների ցանկում, ուստի դիմորդները պետք է հաստատեն լեզվական իրավասությունը:

Ավելի վաղ Պետական դուման օրինագիծ էր ընդունել, որի համաձայն՝ հաստատված քվոտայի շրջանակներում վարձու միգրանտներն ազատվում են ռուսաց լեզվի, պատմության և օրենսդրության հիմունքների իմացության թեստավորումից: Այնուամենայնիվ, քվոտայից դուրս աշխատողների համար այս պահանջը մնում է պարտադիր: