ՌԴ-ում Ադրբեջանի դեսպանատունը փորձել է ճնշում գործադրել գրադարանի ղեկավարության վրա՝ պահանջելով չեղարկել «Արցախը՝ դեմքերով» ցուցահանդեսը
23 Հոկտեմբերի 2023, 19:36
![](https://media.alphanews.am/wp-content/uploads/2023/10/23151113/photo_2023-10-23_14-04-49-2.jpg)
Դոնի Ռոստովում գտնվող ամենամեծ գրադարանում այս օրերին տեղի է ունենում հայ լուսանկարիչ Լևոն Հովսեփյանի «Արցախը՝ դեմքերով» ցուցահանդեսը։
Ռուսաստանի հայերի միության տելեգրամյան ալիքի փոխանցմամբ՝ Ռուսաստանի Դաշնությունում Ադրբեջանի դեսպանատունը փորձել է ճնշում գործադրել գրադարանի ղեկավարության վրա՝ ցուցահանդեսը չեղարկելու համար։
Ըստ մամուլի հրապարակումների, դեսպանատանն ի պատասխան՝ հիշեցրել են, որ «գրադարանը գտնվում է ոչ թե Ադրբեջանում, այլ Ռուսաստանի Դաշնությունում՝ Դոնի Ռոստովում, մի քաղաքում, որտեղ հայերն ապրել են գրեթե 300 տարի՝ հիմնադրումից ի վեր, և Բաքուն չէ, որ պետք է թելադրի, թե որ միջոցառումներն անցկացվեն քաղաքային գրադարանում, որոնք՝ ոչ»:
![](https://media.alphanews.am/wp-content/uploads/2023/10/23151120/photo_2023-10-23_14-04-52-2.jpg)
![](https://media.alphanews.am/wp-content/uploads/2023/10/23151119/photo_2023-10-23_14-04-52.jpg)
![](https://media.alphanews.am/wp-content/uploads/2023/10/23151120/photo_2023-10-23_14-04-49.jpg)