Ռեժիսոր Ռուբեն Անդրիասյանի մասին գրքի շնորհանդեսը՝ Ալմաթիում
17 Նոյեմբերի 2024, 21:35
Ալմաթիի Լերմոնտովի անվան դրամատիկական թատրոնում տեղի է ունեցել Ադոլֆ Արցիշևսկու «Կոմանդորի քայլերը. Ռուբեն Անդրիասյան. Կյանք. Աշակերտներ. Ներկայացումներ» գրքի շնորհանդեսը:
Հեղինակն այն նվիրել է իր մտերիմ ընկերոջը և զինակցին՝ խորհրդային և ղազախստանցի թատերական ռեժիսոր և մանկավարժ, պրոֆեսոր Ռուբեն Անդրիասյանին, ով 37 տարի ղեկավարել է Լերմոնտովի անվան թատրոնի ստեղծագործական կոլեկտիվը: Շնորհանդեսին ներկա էին Ռուբեն Անդրիասյանի և Ադոլֆ Արցիշևսկու սաները, ընկերներն ու գործընկերները:
Ղազախստանի ժողովրդական արտիստ Միխայիլ Տոկարևը, Ղազախստանի վաստակավոր արտիստ Տատյանա Բանչենկոն, Ղազախստանի վաստակավոր գործիչ Մարինա Գանցևան, դերասան Դիլմուրադ Ջամբակիևը, հեռուստատեսության և կինոյի ռեժիսորներ Ալեքսանդր Գոլովինսկին և Նիկոլայ Բեսեդինը կիսվել են գեղարվեստական ղեկավարի, ընկերոջ, գործընկերոջ մասին իրենց հիշողություններով:
«Ճակատագիրը բարեհաճ էր իմ հանդեպ՝ ինձ ուղարկելով այս հետաքրքիր մարդուն», — խոստովանել է գրքի հեղինակը:
Գիրքը հրատարակվել է Արցիշևսկու սեփական միջոցներով՝ փոքր տպաքանակով (250 օրինակ)։
Հիմա եթերում
