Ռոման Միտիչյան․ Խարիզմատիկ մարզիկն ու դերասանը

Alpha News-ը շարունակում է ներկայացնել «Ալֆա պերսոնա» շարքը:

Սեպտեմբերի 4-ը խառը մենամարտերի ամերիկացի պրոֆեսիոնալ մարտիկ և դերասան Ռոման Միտիչյանի ծննդյան օրն է:

Նա ծնվել է Հայաստանի Վանաձոր քաղաքում։ 8 տարեկանում սկսել է մարզվել ազատ ոճի ըմբշամարտով, իսկ ավելի ուշ անցել է սամբոյի և ձյուդոյի մարզումների։

1997 թվականին նրա ընտանիքը տեղափոխվել է ԱՄՆ, որտեղ սկսել է մարզվել «Հայաստան» ձյուդոյի ակումբում։ 2000 թվականից Միտիչյանը հաստատվել է Լոս Անջելեսում՝ դերասանական կարիերա սկսելու մտադրությամբ։

Նա նույնիսկ նկարահանվել է The Ultimate Fighter. Team Hughes vs. Team Serra-ն Spike TV-ի եթերում, սակայն ավելի ուշ լքել է շոուն:

Միտիչյանը մասնակցել է այնպիսի ֆիլմերի նկարահանումներին, ինչպիսիք են՝ «911», «Մի նայիր վերև», «Ամբողջ մարդկության համար», «Իշխանություն», «Այստեղ և հիմա», հայտնի է նաև որպես կրկնօրինակող դերասան։