Ռոքսանա Բաբայան․ 80-90-ականների ռուսական էստրադայի աստղերից մեկը

Alpha News-ը շարունակում է ներկայացնել «Ալֆա պերսոնա» շարքը:

Հայազգի խորհրդային էստրադայի երգչուհի, թատրոնի և կինոյի դերասանուհի Ռոքսանա Բաբայանը ծնվել է մայիսի 30-ին, Տաշքենդում, հայկական ընտանիքում։ Հայրը ինժեներ էր և ձգտում էր դստերը «լուրջ մասնագիտություն» տալ, ի տարբերություն նրա մոր՝ Սեդա Գրիգորի Բաբայանի, ով զբաղվում էր երաժշտությամբ, դաշնամուր էր նվագում և երգեր էր հորինում։

Ռոքսանա Բաբայանն, անկասկած, 80-ականների և 90-ականների էստրադայի պայծառ աստղն էր, նա ուներ գեղեցիկ արտաքին, վառ խարիզմա, ձայնի զարմանալի տեմբր, էլեգանտություն, և հենց դրա համար էլ նրան սիրեցին հազարավոր երկրպագուներ: Նրա համար երգեր են գրել Վյաչեսլավ Դոբրինինը, Գեորգի Գարանյանը, Իլյա Ռեզնիկը:

Անհնար էր պատկերացնել մեկ երգի փառատոն առանց Ռոքսանա Բաբայանի մասնակցության։ Նա միշտ ուներ սեր և ձգտում դեպի այն ամենն, ինչ գեղեցիկ է և անհավատալի կենսական էներգիայի նկատմամբ:

1999 թվականին Ռոքսանա Բաբայանին շնորհվել է ՌԴ ժողովրդական արտիստի կոչում։

Ինքը՝ Կոնստանտին Օրբելյանը, տեղեկանալով Բաբայանի տաղանդի մասին, նրան հրավիրել է Երևան։ Երգչուհին միշտ շատ ջերմ է խոսում Հայաստանի ու հայերի մասին՝ ազգային գլխավոր հատկանիշ անվանելով համբերությունը, տոկունությունն ու հյուրընկալությունը։