Ռուբեն Օրբելի․ Ստորջրյա հնագիտության հանճարը

Alpha News-ը շարունակում է ներկայացնել «Ալֆա պերսոնա» շարքը:

Ռուբեն Օրբելին ծնվել է 1880 թվականին Նախիջևանում, իրավաբան Աբգար Օրբելու և Վարվառա Մոիսեևնա Արղության-Դոլգորուկայի ընտանիքում, եղել է Լեոն և Հովսեփ Օրբելիների ավագ եղբայրը։ Ընդունվել է Սանկտ Պետերբուրգի համալսարանի իրավաբանական ֆակուլտետ, որն ավարտելուց հետո 1903 թվականին մնացել է քաղաքացիական իրավունքի ամբիոնում պրոֆեսորադասախոսական գործունեության նախապատրաստման համար։

Ռուբեն Աբգարովիչն աշխատել է մագիստրանտների ընկերությունում, որտեղ նրան ընտրել են Սանկտ Պետերբուրգի համալսարանին կից իրավաբանական ընկերության իսկական անդամ, իսկ հետագայում ուղարկել Գերմանիա՝ գիտելիքները կատարելագործելու համար:

1918-ին նա դարձել է հիմնադիրներից մեկը, այնուհետև՝ Տամբովի պետական համալսարանի դասախոս, որտեղ էլ դասախոսություններ և անհատական դասընթացներ է անցկացրել իրավագիտության, փիլիսոփայության, էթիկայի վերաբերյալ:

Շուտով Օրբելին սկսել է ուսումնասիրել ստորջրյա հնագիտական հուշարձանները, 1937-1939 թվականներին նրա նախաձեռնությամբ կազմակերպվել են մի շարք հիդրոարխեոլոգիական արշավախմբեր դեպի Սև ծով և երկրի այլ ջրային ավազաններ։

Մշակել է ջրային ավազանի հատակից մակերես բարձրացված հնագիտական արտադրանքների ոչնչացումից պաշտպանվելու մեթոդաբանություն: Ներկայացրել է հիդրոարխեոլոգիա տերմինը գիտական օգտագործման մեջ:

Ստորջրյա հնագիտության առջև ծառացած խնդիրների շարքում Ռուբեն Աբգարովիչը առանձնացրել է հենց հիդրոարխեոլոգիական քարտեզների կազմումը, որոնք ներառում են բոլոր այն կետերը, որոնցում գոյություն ունեն կամ ենթադրվում են ջրով ողողված և տարված հնության հուշարձաններ։

Ռուբեն Օրբելին վախճանվել է 1943թ. մայիսի 9-ին, Թաղված է Մոսկվայի հայկական գերեզմանատանը: