Ռուսական Արմավիրի «Թալիսման» խորեոգրաֆիկ ստուդիան արժանացել է Գրան պրիի

Ռուսաստանի Արմավիր քաղաքի Մանկապատանեկան ստեղծագործության պալատի «Թալիսման» պարարվեստի ստուդիան Արմեն Ավագյանի ղեկավարությամբ մասնակցել է միջազգային մրցույթի՝ արժանանալով գավաթների և դիպլոմների։

«Ակրոբատիկ հնարք» անվանակարգում մրցանակին էլ արժանացել են անսամբլի անդամներ Աննա Ադիլովան և Հերմինե Պապիկյանը։

Թիմը նաև արժանացել է բարձրագույն մրցանակի՝ մրցույթի Գրան պրիի, իսկ ստուդիայի ղեկավարը ճանաչվել է «Լավագույն բալետմայստեր, պարուսույց-բեմադրիչ»։