Ռուսական մարդասիրական առաքելությունը ձեռնամուխ է եղել Հայաստանի դպրոցներին ուսումնական գրականության փոխանցման երկրորդ փուլին
13 Դեկտեմբերի 2023, 08:37
Ռուսական մարդասիրական առաքելությունը ձեռնամուխ է եղել Հայաստանի դպրոցներին ուսումնական գրականության փոխանցման երկրորդ փուլին: Հանրապետության ուսումնական հաստատություններ արդեն առաքվել է գրքերի կեսից ավելին՝ շուրջ 25 000 դասագիրք: Այս մասին հաղորդում է առաքելության տելեգրամյան ալիքը:
«Բառացիորեն օրերս Երևանի ևս 7 ուսումնական հաստատություններ ստացան նախկինում պահանջված ձեռնարկները՝ տարբեր առարկաների դասագրքերի գրեթե ամբողջական շարքը բոլոր դասարանների համար։ Մինչև այս շաբաթվա վերջ ՌՄԱ-ի թիմը մնացած գրքերը կհասցնի 25 համայնքային դպրոց», — ասվում է առաքելության հայտարարության մեջ:
Ավելի վաղ հայկական կողմի դիմումով և Ռուսաստանի Դաշնության խորհրդի նախաձեռնությամբ Հայաստան է ուղարկվել ավելի քան 53 000 դասագիրք ռուսերեն սովորող երեխաների համար:
Հիմա եթերում
