Ռուսական տոներից առաջ «մառախուղը ցրում է» Ամպերի ֆիզիկայի կենտրոնի ղեկավար Բագրատ Դանիելյանը
21 Սեպտեմբերի 2025, 19:00
Ամպերի ֆիզիկայի կենտրոնի ղեկավար Բագրատ Դանելյանն արդեն 46 տարի զբաղվում է եղանակային երևույթների կառավարմամբ։ Նրա խոսքով՝ կենտրոնի մասնագետներն աշխատում են մի քանի առանցքային ուղղություններով՝ պաշտպանություն կարկուտից և երաշտից, տեղումների մակարդակի նվազեցում, մառախուղների ցրում և ձնահյուսերի արհեստական առաջացում:
«Ռուսաստանի հարավում՝ Կրասնոդարի և Ստավրոպոլի երկրամասերում, ինչպես նաև Հյուսիսային Կովկասում, կարկուտի դեմ հատուկ հրթիռներ են կիրառվում։ Դա օգնում է գյուղատնտեսությունը պաշտպանել լուրջ վնասներից», — պատմել է Դանիելյանը։
Մառախուղի ցրման տեխնոլոգիաները նախկինում օգտագործվել են «Շերեմետևո» օդանավակայանում, բայց այժմ ժամանակավորապես չեն օգտագործվում: Իսկ Կովկասում մասնագետները հետևում են ձյան կուտակմանը և ձնահյուսեր արձակում հրետանային գործիքների օգնությամբ՝ մարդկանց համար վտանգը կանխելու համար: Կենտրոնի աշխատանքի ամենանշանակալի ուղղություններից մեկը տեղումների կառավարումն է։ Այս մեթոդաբանությունն առաջին անգամ կիրառվել է 1986 թվականին Չեռնոբիլի ատոմակայանում տեղի ունեցած վթարից հետո։ Այն ժամանակ խնդիր էր դրված կանխել ռադիոակտիվ մասնիկների մուտքը ջրային զարկերակներ՝ այն դեպքում, երբ աշխատանքային գոտու վերևում հենց այդ պահին անձրևներ էին տեղում։
Հիմա եթերում
