Ռուսաստանի գեղարվեստի ակադեմիան շնորհավորել է անվանի նկարիչ Դավիթ Բաբայանին
23 Մարտի 2025, 10:40
Ռուսաստանի նկարիչների ստեղծագործական միության փոխնախագահ, միության պարբերականի գլխավոր խմբագիր, Ռուսաստանի Գեղարվեստի ակադեմիայի պատվավոր անդամ Դավիթ Բաբայանը մարտի 23-ին կնշի ծննդյան 75-ամյակը:
Նկարիչը հայտնի է Դավիթ Ռու կեղծանունով։
Ռուսաստանի գեղարվեստի ակադեմիան շնորհավորել է հոբելյարին: Ողջույնի նամակում, մասնավորապես, ասվում է.
«Հարգելի Դավիթ Ալեքսեյի,
Ռուսաստանի Գեղարվեստի ակադեմիայի նախագահությունը և ես անձամբ ջերմորեն և սրտանց շնորհավորում ենք Ձեզ նշանակալի հոբելյանի՝ 75-ամյակի կապակցությամբ:
Լինելով հայտնի ռուս նկարիչ, ժամանակակից աբստրակտ արվեստի վառ ներկայացուցիչ, Դուք պահպանում եք Աբստրակցիոնիզմի ռուսական դպրոցի ավանդույթները, անխոնջ խթանում եք աբստրակցիոնիստների աշխատանքը և ստեղծում եք աբստրակտ արվեստին նվիրված միջազգային խոշոր նախագծեր:
…Ձեր գործերը գտնվում են Ռուսաստանում և արտերկրում գտնվող թանգարաններում և մասնավոր հավաքածուներում, ակտիվորեն մասնակցում եք նաև ռուսական և միջազգային ցուցահանդեսներին, բացում եք անհատական նախագծեր և պարբերաբար անցկացնում եք վարպետության դասեր, որոնք մեծ ժողովրդականություն են վայելում երիտասարդների շրջանում:
Հարգելի Դավիթ Ալեքսեյի, ակադեմիական հանրությունը բարձր է գնահատում Ձեր մեծ ու բազմազան տաղանդը։ Մաղթում ենք Ձեզ անսպառ ոգեշնչում և հաջողություններ Ձեր գործունեության բոլոր ոլորտներում, առողջություն և բարեկեցություն:
Ռուսաստանի Գեղարվեստի ակադեմիայի նախագահ Զուրաբ Ծերեթելի»:
Հիմա եթերում
