Ռուսաստանի հայ համայնքի ներկայացուցիչները տարբեր քաղաքներում նշել են Խաչվերացը

Ռուսաստանի տարբեր քաղաքներում հայերը նշել են Սուրբ Խաչի (Խաչվերաց) տոնը։ Մասնավորապես, տոնը նշել են Տյումեն քաղաքի Սուրբ Մեսրոպ Մաշտոց եկեղեցում։ Պատարագը մատուցել է հոգևոր հովիվ տեր Սիոն քահանա Հայրապետյանը։

Տոնը նշել են նաև Կրասնոյարսկի, Դոնի Ռոստովի, Վլադիվոստոկի, Տոլյատիի ՀԱԵ թեմերը:

Ղրիմի հայերը Խաչվերացը նշել են հայկական ժողովրդական պարերի վարպետության դասերով, դեպի միջնադարյան Սուրբ Ստեփանոս հայկական վանքի ավերակներ ուխտագնացությամբ:

Իսկ Ղրիմի Սուրբ Խաչ վանքում արքեպիսկոպոս Տարոն Գուլիկյանը պատարագ է մատուցել Սիմֆերոպոլի Սուրբ Հակոբ եկեղեցու հովիվ տեր Ներսես քահանա Խանանյանի և Յալթայի Սուրբ Հռիփսիմե եկեղեցու հովիվ տեր Մանասե քահանա Նադանյանի հետ։