Ռուսաստանը բոլոր ջանքերը գործադրում է՝ Եվրոպայի հետ հակամարտության սրումը թույլ չտալու համար․ Մարկ Էնթին

Մոսկվայի միջազգային հարաբերությունների պետական ինստիտուտ պրոֆեսոր, Լյուքսեմբուրգում Ռուսաստանի արտակարգ և լիազոր դեսպան (2012-2016 թթ.) Մարկ Էնթինը Ստամբուլում Վերոնայի Եվրասիական տնտեսական XVIII ֆորումի շրջանակներում Alpha News-ին տված հարցազրույցում մեկնաբանել է Ռուսաստանի և Եվրամիության երկրների միջև ուղղակի ռազմական հակամարտության հնարավորությունը, ինչպես նաև ինչ մեսիջ են կրում եվրոպացի քաղաքական գործիչների հայտարարությունները ՌԴ-ի հետ պատերազմի անխուսափելիության մասին։

Փորձագետի կարծիքով՝ Ռուսաստանի և Եվրոպայի հարաբերությունները չեն վերադառնա «իրենց բնականոն հուն», բայց միևնույն ժամանակ Ռուսաստանի դռները միշտ բաց են Եվրամիության երկրների համար։

«Քաղաքական և դիվանագիտական շրջանակներում միշտ, դարեր շարունակ, ընդունված է եղել միևնույն բանաձևը՝ երբեք մի՛ ասա երբեք։ Հիշենք, թե ինչից ծնվեց ժամանակակից, պայմանականորեն միացյալ Եվրոպան՝ Երկրորդ համաշխարհային պատերազմի սարսափներից, Գերմանիայի ագրեսիայից ընդդեմ բոլոր եվրոպական ժողովուրդների, իսկ հետո՝ ընդդեմ Մոսկվայի։ Եվ չնայած դրան, մենք կարողացանք տասնամյակների ընթացքում գոյակցության հարաբերություններ կառուցել, որոշակի ժամանակահատվածում՝ ավելի սերտ, մտերիմ հարաբերություններ։

Սակայն Ռուսաստանի Դաշնությունը, ճիշտ այնպես, ինչպես Եվրասիական տնտեսական միության (ԵԱՏՄ) և Անկախ պետությունների համագործակցության (ԱՊՀ) բոլոր երկրները, դռները բաց են պահում։ Եվ երբ Եվրոպայի մնացած երկրներում հասունանան համապատասխան քաղաքական պայմանները, այդ բաց դռնից հնարավոր կլինի օգտվել», — ասել է Էնթինը։

Պրոֆեսորի խոսքով՝ Եվրոպայի քաղաքական էլիտայի մեծ մասը Ռուսաստանի հետ հարաբերությունների վատթարացումը դիտարկում է որպես քաղաքական պայքարի արդյունավետ միջոց։

«Ցանկացած հայտարարություն պետք է դիտարկել որպես ներսում տարբեր քաղաքական խմբակցությունների միջև հավասարակշռություն, քանի որ Եվրամիության յուրաքանչյուր երկրի ներսում, հենց Եվրամիության ներսում, մոլեգնում է կատաղի պատերազմ՝ տնտեսական, տեխնոլոգիական, ֆինանսական ռեսուրսների համար։ Բայց եթե մենք դիտարկենք, օրինակ, ԵՄ-ից Մեծ Բրիտանիայի դուրսբերումը, դա ամենևին անակնկալ չէր։ Այն հասունացել էր երկար ժամանակ, ուներ համապատասխան արմատներ։ Այսպես, Եվրամիության յուրաքանչյուր երկրի ներսում կան ուժեր, որոնք հանդես են գալիս տարբեր դիրքերից։ Դա պայքար է իշխանության համար։ Իսկ իշխանության համար պայքարը ծնում է ձգտում՝ ձեռք բերելու որոշակի լրացուցիչ միջոցներ այդ պատերազմում հաղթելու համար։ Այժմ քաղաքական էլիտայի մեծամասնությունը որպես «արդյունավետ զենք» է դիտարկում Ռուսաստանի Դաշնության հետ հարաբերությունների վատթարացումը՝ ամեն տեսակի կարգախոսներ և կոչեր, որոնք կապ չունեն իրականության հետ։

Իր կողմից, Ռուսաստանը ձեռնարկում է բոլոր հնարավոր ջանքերը, որպեսզի թույլ չտա էսկալացիան, որպեսզի խոչընդոտի անխոհեմ, մանկամիտ պահվածք դրսևորող արևմտյան առաջնորդների՝ այդ էսկալացիային ներգրավումը»,- եզրափակել է Էնթինը։