Ռուսլան Յակուբովը Այվազովսկու հուշարձանի ապամոնտաժումը վանդալիզմի ակտ է անվանել
02 Օգոստոսի 2025, 20:35
Ղրիմի Հանրապետության ազգամիջյան հարաբերությունների հարցերով պետական կոմիտեի նախագահ Ռուսլան Յակուբովը խստորեն դատապարտել է Լեռնային Ղարաբաղում Հովհաննես Այվազովսկու հուշարձանի ապամոնտաժումը՝ այն անվանելով վանդալիզմի ակտ:
«Крым 24» հեռուստաալիքին տված հարցազրույցում նա ընդգծել է, որ նշանավոր անձանց նվիրված հուշանշանների ոչնչացումն անթույլատրելի է: Յակուբովը հատուկ ուշադրություն է դարձրել Այվազովսկու կերպարին՝ նշելով նրա նշանակությունը որպես Ռուսաստանը փառաբանած նկարչի և Ղրիմի հպարտությունը հանդիսացող հայազգի մեկենասի:
Նա նաև մտահոգություն է հայտնել այլ նշանավոր անձանց, այդ թվում՝ Խորհրդային Միության կրկնակի հերոսներ Հովհաննես Բաղրամյանի և Նելսոն Ստեփանյանի հուշարձանների ոչնչացման կապակցությամբ: Յակուբովի կարծիքով, նման գործողությունները վնասում են տարածաշրջանի մշակութային ժառանգությանը և խաթարում Ղարաբաղում բնակվող ժողովուրդների միջև ազգամիջյան համաձայնությունը:
Հիմա եթերում
