Ռյազանում հայկական մշակույթի օր կանցկացվի
14 Սեպտեմբերի 2023, 19:17
![](https://media.alphanews.am/wp-content/uploads/2023/09/14132321/photo_5773001577509007816_w.jpg)
Սեպտեմբերի 17-ին Ռյազանի «Պրիոկսկի» մշակույթի պալատում տեղի կունենա «Հայկական մշակույթի օր», որի ընթացքում հանդիսատեսը կկարողանա ծանոթանալ Հայաստանի հարուստ մշակույթին՝ երաժշտությանը, ժողովրդական գործիքներին, երգին, պարին և գրականությանը:
«Культура. РФ»-ի փոխանցմամբ՝ տոնական համերգին կմասնակցեն «Ռուսաստանի հայերի միություն» համառուսաստանյան հասարակական կազմակերպության Ռյազանի տարածաշրջանային բաժանմունքի արտիստները՝ «HAYEM» հայկական արվեստի և մշակույթի ստուդիան, «Նազանի» պարային համույթը, Բալյան Միլենան, «Արծիվներ» պարային համույթը և այլք:
Նախատեսվում է նաև հայկական ավանդական տարազների ցուցահանդես և ազգային ուտեստների համտեսում: