Ս. Ս. Պրոկոֆևի թանգարանում բացվել է Գեորգի Գարանյանի 90-ամյակին նվիրված ցուցահանդես
23 Օգոստոսի 2024, 09:15
Մոսկվայում բացվել է «Ռուսական ջազի լեգենդները» ցուցահանդեսը՝ նվիրված սաքսոֆոնահար, կոմպոզիտոր և դիրիժոր, ՌԴ ժողովրդական արտիստ Գեորգի Գարանյանի 90-ամյակին։
Ցուցահանդեսի այցելուները կտեղեկանան սաքսոֆոնահարի գործունեության մասին՝ ջազի հետ նրա առաջին ծանոթությունից մինչև «ջազի ոճով» ապրելակերպ, փոքր ջազային համույթների ստեղծումից և կառավարումից մինչև ԽՍՀՄ Մինիստրների խորհրդին առընթեր կինեմատոգրաֆիայի պետական սիմֆոնիկ նվագախմբի ղեկավարումը, առաջին գործիքավորումից մինչև սեփական երաժշտական ստեղծագործությունները:
Ցուցահանդեսում կարելի է տեսնել նաև Գեորգի Գարանյանի բեմական կոստյումը, փողկապների անսովոր հավաքածուն, պայուսակը, ականջակալները, ակնոցներն ու սիրելի գրքերից մեկը, պարգևները, հազվագյուտ լուսանկարներն ու երաժշտական ձեռագրերը:
Հիմա եթերում
