«Սա շատ կարոտած հանդիպում էր»․ Արամ MP3-ն՝ Մոսկվայում ունեցած մենահամերգի մասին

Նոյեմբերի 12-ին Մոսկվայի «Известия Hall»-ում տեղի է ունեցել հայտնի երգիչ Արամ MP3-ի մենահամերգը՝ նվագախմբի կենդանի նվագակցությամբ։

Հանդիսատեսը ողջ երեկոյի ընթացքում վայելել է կենդանի երաժշտությունը՝ լուսային էֆեկտներով համակցված։

Արամ MP3-ն իր համերգային ծրագրում ընդգրկել էր գրեթե իր ողջ երգացանկը։ Համերգի ընթացքում սիրված երգչի կատարմամբ հնչել են նաև հայկական էստրադայի հայտնի և սիրված հիթերը։

«Իրականում շատ սպասված համերգ էր սա։ Ինձ անընդհատ գրում էին՝ երբ կլինի համերգ, վերջապես եկավ այդ օրը։ Շատ կարոտած հանդիպում է սա՝ վաղուց սպասված ու պլանավորած»,- համերգից առաջ Alpha News-ի հետ զրույցում նշել է Արամ MP3-ն։

Երգչից տեղեկանում ենք նաև, որ մյուս տարի պլաններ կան համերգային ծրագրով հանդես գալու Ռուսաստանի հայաշատ տարբեր քաղաքներում։