Սահմանազատումը միտված է մեր երկիրը ստորացնելուն ու նվաստացնելուն․ Բագրատ Սրբազան

Սուրբ Աննա եկեղեցու բակում «Տավուշը հանուն հայրենիքի» շարժման առաջնորդն ու աջակիցները հավաք են արել։ Բագրատ Սրբազանը ընթացող գործընթացները որակել է որպես հայրենահանձման գործընթաց․

«Այս ամբողջ ժամանակաշրջանում, երբ մենք աղաղակում էինք, նշում էինք, որ այս հակաօրինական, հակասահմանադրական, հակամարդկային, հակաազգային, հակաբարոյական, միջազգային սկզբունքների խախտումով սահմանազատումը միտված է մեր երկիրը ստորացնելուն ու նվաստացնելուն, հիմա բացահայտվում է։

Եվ այս խնդիրը սկսվել է Սյունիքից, Շուռնուխից։

Այն ինչ ասում են, սուտ է։ Սա հայրենահանձնման ու պատերազմի գործընթաց է, որովհետև ամեն քայլը հարկադրանք է ու պարտադրանք»,- ասել է Բագրատ Սրբազանը։