Սամվել Կարապետյանի կալանքը երկարաձգելու որոշումը բողոքարկվելու է․ փաստաբան

Սամվել Կարապետյանի կալանքը (տնային) մեկ ամսով երկարաձգելու որոշումը շատ սեղմ ժամկենտրում բողոքարկվելու է: Այս մասին հայտնել է պաշտպան Արամ Վարդևանյանը։

Նա տեղեկացրել է, որ այսօր ստացել են դատարանի որոշումը։ «Դատական ակտը որևէ կերպ չի բխում իրավունքից և օրենքից ու շատ սեղմ ժամկենտրում բողոքարկվելու է: Դատարանի դիրքորոշումից հետևում է, որ բոլոր այն պաշտոնատար անձինք, որոնք պնդում էին, որ Սամվել Կարապետյանի կողմից տեսաուղերձներ հրապարակելու սահմանափակում չկա՝ ուղիղ ստում էին: Դատարանն ակնհայտ ոչ իրավաչափ դատական ակտով արձանագրել է, որ այդ հարցով թույլտվություն տրամադրող մարմինը քննիչն է (այն նույն Քննչականը, որը մեր դիմումները մերժել էր)»,– գրել է նա: