Սանկտ Պետերբուրգում հայկական հոգևոր ճեմարան է բացվել

Ն.Ս. Օ. Տ. Տ. Գարեգին Բ Ամենայն Հայոց Կաթողիկոսի օրհնությամբ Սանկտ Պետերբուրգում բացվել է Սուրբ Գրիգոր Լուսավորչի անվան հոգևոր ճեմարանը: Ճեմարանի նպատակն է պատրաստել Հայաստանյայց Առաքելական Ուղղափառ Սուրբ Եկեղեցու ապագա հոգևորականներին:

Նորաբաց հոգևոր ճեմարանը հայտարարում է 2023-2024 ուսումնական տարվա ընդունելություն:

Ուսուցման համար ընդունվում են Հայաստանյայց Առաքելական Ուղղափառ Սուրբ Եկեղեցու դավանանքի արական սեռի 17-25 տարեկան, սրբադասման կանոնական խոչընդոտներ չունեցող, միջին մասնագիտական կամ բարձրագույն կրթություն ունեցող անձինք:

Ուսման տևողությունը՝ 5 տարի (առկա): Ուսուցումն անվճար է:

Ընդունելության քննությունները կանցկացվեն 2023 թվականի սեպտեմբերի 25-ից 29-ը: