Սարատովից Հայաստան թռիչքների թիվը կավելանա
17 Հուլիսի 2023, 22:20
![](https://media.alphanews.am/wp-content/uploads/2023/07/17170405/1077070.jpg)
Հուլիսի 18-ից «Շիրակ Ավիա»-ն Սարատովի՝ Գագարինի անվան օդանավակայանից կավելացնի դեպի Հայաստան թռիչքների թիվը։ Սարատովի օդանավակայանի մամուլի ծառայության հաղորդմամբ՝ դեպի Երևան թռիչքները նախատեսված են հուլիսի 18-ին, օգոստոսի 15-ին և սեպտեմբերի 5-ին։
Մեկնումը Սարատովից կլինի 17:40-ին, ինքնաթիռը Հայաստանում վայրէջք կկատարի տեղական ժամանակով 19:50-ին։ Հակառակ ուղղությամբ՝ Երևանից Սարատով չվերթը կլինի ժամը 14:00-ին (ժամանումը՝ 16:10-ին)։ Այժմ Սարատով-Երևան չվերթերն իրականացվում են միայն շաբաթ օրերին: