Սերգեյ Չլիյանցի «Քամի» ֆիլմը՝ «Նիկա» մրցանակի դափնեկիր
24 Մարտի 2026, 23:15
Մոսկվայի «Մոսսովետ» թատրոնում տեղի է ունեցել 2025 թվականի «Նիկա» կինոմրցանակի հանձնման հանդիսավոր արարողությունը։
Լավագույն խաղարկային ֆիլմի համար մրցանակին արժանացել է ռուսաստանաբնակ հայազգի կինոռեժիսոր, սցենարիստ և կինոպրոդյուսեր Սերգեյ Չլիյանցի «Քամի» ֆիլմը:
«Քամին» ստացել է նաև երեք մրցանակ՝ «Լավագույն հնչյուն», «Լավագույն օպերատորական աշխատանք» և «Լավագույն սցենար» անվանակարգերում։
«Քամի» ֆիլմի սյուժեն ծավալվում է մի գյուղում, որը վերապրել է պատերազմ և համաճարակ: Գլխավոր հերոսները՝ Կատյան և Իվանը, ապրում են աղքատության մեջ: Իվանը մեկնում է ծովափ՝ սնունդ փնտրելու՝ խոստանալով սիրեցյալին դատարկաձեռն չվերադառնալ: Ճանապարհին նա հանդիպում է ուղեկից Սերգեյին, ում հետ զրույցներ է ունենում աշխարհի վերջի, կյանքի ու մահվան մասին:
Հիմա եթերում
