Սևիկյանը «Նիժնի Նովգորոդ»-ից «Ֆերենցվարոշ» կտեղափոխվի 1,1 մլն եվրոյով
15 Հունվարի 2024, 09:12
Հայ ֆուտբոլիստ, «Пари НН»-ի կիսապաշտպան Էդգար Սևիկյանը կտեղափոխվի «Ференцварош»։ Այս մասին գրում է sports․ru-ն։
Ինչպես տեղեկացնում է «Championship»-ը, հունգարական ակումբն ակտիվացրել է ֆուտբոլիստի պայմանագիրը հետ գնելու տարբերակը: «Սպորտ Էքսպրեսը» գրում է, որ եվրոպական ակումբների համար պայմանագրում ամրագրված գնման գինը կազմում է 1,1 միլիոն եվրո:
«Նա կմեկնի եվրոպական մեկ այլ առաջնություն։ Մենք խոսել ենք նաև ռուսական ակումբների հետ, բայց ֆուտբոլիստը շատ է ցանկանում խաղալ Եվրոպայում։ Այստեղ ամեն ինչ հենվում է Էդգարի և նրա ընտանիքի ցանկության վրա։ Այժմ պայմանավորվածություն կա նրա տեղափոխության վերաբերյալ, սա թոփ-5 լիգաներից չէ»,-ասել է «Пари НН»-ի գլխավոր տնօրեն Դավիթ Մելիք-Հուսեյնովը:
Հիմա եթերում
