Հայաստանն ու Ադրբեջանը մինչև տարեվերջ կստորագրեն խաղաղության պայմանագիր Արևմուտքի միջնորդությամբ. Կիրիլ Կրիվոշեև
14 Հունիսի 2023, 16:00
Կարնեգի հիմնադրամի հեղինակ Կիրիլ Կրիվոշեևը Alpha News-ին տված հարցազրույցում մեկնաբանել է Թուրքիայի նախագահի այցը Բաքու, Հայաստանի և Ադրբեջանի միջև բանակցային գործընթացը, Լեռնային Ղարաբաղում ռուս խաղաղապահների ապագան և նոր հնարավորությունը։
Նա կանխատեսում է, որ Հայաստանն ու Ադրբեջանը մինչեւ տարեվերջ կստորագրեն խաղաղության պայմանագիր Արեւմուտքի միջնորդությամբ։
«Այստեղ վերմակը չեմ քաշի ռուսական դիվանագիտության ուղղությամբ, քանի որ այլ կերպ մտածելու նախադրյալներ չկան։ ԱՄՆ-ում (ԱԳ նախարարների) հանդիպումը տեղի կունենա, հուլիսին (Նիկոլ Փաշինյանի և Իլհամ Ալիևի) հանդիպում կլինի Բրյուսելում, հանդիպում կլինի Գրանադայում։ Լավ, ինչո՞ւ այս բոլոր հանդիպումները, եթե դրանց հետևում ոչինչ չկար»,- ասել է Կրիվոշեևը։
Նա նաև մեկնաբանել է հայ-ադրբեջանական սահմանին և Արցախում հրադադարի ռեժիմի խախտումների աճը։
Նրա խոսքով, այս լարվածության օգնությամբ Բաքուն փորձում է ճնշում գործադրել Երեւանի վրա եւ թույլ չտալ, որ նա պահպանի ներկայիս ստատուս քվոն։
«Սա ստատուս քվոյի ընդունում չէ։ Որպեսզի Հայաստանը չմտածի, որ ներկայիս ստատուս քվոն կարող է սառեցվել և մնալ ժամանակի ինչ-որ գրավիչ փուլում»,- նշել է Կրիվոշեևը։
Հիմա եթերում
