Սինգապուրի Սուրբ Գրիգոր Լուսավորիչ եկեղեցին

Alpha News-ը շարունակում է ներկայացնել Սփյուռքում գործող հայկական եկեղեցիների մասին պատմող շարքը:

Սուրբ Գրիգոր Լուսավորիչ եկեղեցին Հայ Առաքելական եկեղեցուն պատկանող Սինգապուրի ամենահին քրիստոնեական տաճարն է, Հարավ-արևելյան Ասիայում պահպանված երկու հայկական եկեղեցիներից մեկը:

Տաճարը գտնվում է Քաղաքացիական թաղամասի և Բրաս Բասահ Բուգիս շրջանի տարածքում և համարվում է գաղութային դարաշրջանի ճարտարապետության դասական օրինակ։ Եկեղեցին սինգապուրյան ազգային նշանակության հուշարձանների շարքում է։

1905-ին տաճարի շենքի կողքին ստեղծվել է քահանայի համար երկհարկանի տուն։ Այսօր այն օգտագործվում է՝ որպես Հայ Եկեղեցու վարչական գրասենյակ։

Եկեղեցու բակում կա հուշակոթող, որտեղ տեղադրված են հայոց ծխական համայնքի պատվավոր քաղաքացիների տապանաքարերը: