Սինգապուրի Սուրբ Գրիգոր Լուսավորիչ եկեղեցին
26 Նոյեմբերի 2023, 00:20
![](https://media.alphanews.am/wp-content/uploads/2023/11/25220354/photo1700584944.jpeg)
Alpha News-ը շարունակում է ներկայացնել Սփյուռքում գործող հայկական եկեղեցիների մասին պատմող շարքը:
1833 թվականին Սինգապուրի իշխանությունները հայ համայնքին հողակտոր են հատկացրել հայկական եկեղեցի կառուցելու համար։
Եկեղեցու շինարարությունը սկսվել է 1834 թվականին։ 1836 թվականի մարտի վերջին եկեղեցին օծվել է ի պատիվ Սուրբ Գրիգոր Լուսավորչի։
Սուրբ Գրիգոր Լուսավորիչ եկեղեցին Սինգապուրի ամենահին քրիստոնեական եկեղեցին է։ Ավելին, տաճարը ճանաչվում է որպես ազգային նշանակության հուշարձան և գտնվում է պետության պաշտպանության ներքո։ Գտնվում է Հիլ Սթրիթում, Սինգապուրի բիզնես կենտրոնում։