«Սլավյանսկի բազար 2023» մրցույթում Հայաստանը կներկայացնի Մաշա Մնջոյանը
01 Հունիսի 2023, 16:40
![](https://media.alphanews.am/wp-content/uploads/2023/06/01143432/1501339741-5831.jpeg)
Մաշա Մնջոյանը պատրաստակամություն է հայտնել հուլիսի 12-17-ը Բելառուսում կայանալիք «Սլավյանսկի բազար» ամենամյա մրցույթում Հայաստանի պատվիրակը լինել:
Ինչպես նշում է «Ռեսպուբլիկա Արմենիա» թերթը, երգչուհին այժմ գտնվում է Ավստրալիայում ՝ կրթությունը շարունակելու համար:
«Այս պահին մենք Մաշայի հետ քննարկում ենք Երգերի ընտրությունը, եւ հաջորդ շաբաթ հայտնի կդառնա, թե ինչ ստեղծագործություններ է Մաշան կատարելու այդ հեղինակավոր մրցույթում», — հայտնել Է «Սլավյանսկի բազար» հեղինակավոր մրցույթի հայաստանյան պատվիրակության ղեկավար Վրեժ Կիրակոսյանը:
Ինքը՝ երգչուհին, խոստովանել է, որ մրցույթին մասնակցելու առաջարկ ստանալուց հետո շատ է ուրախացել և անմիջապես համաձայնել է։
«Ես ասացի՝ լավ է, որ Հայաստանում ինձ դեռ հիշում են, և ես նորից կարող եմ իմ երկրին ծառայել իմ արվեստով», — նշել է Մնջոյանը: Նա ընդգծել է, որ միշտ պատրաստ է Հայաստանը ներկայացնել միջազգային հեղինակավոր մրցույթներում:
Մաշա Մնջոյանն ավարտել է Երևանի Կոմիտասի անվան պետական կոնսերվատորիան՝ ստանալով բակալավրի և մագիստրոսի աստիճան: 2013 թվականին Հայաստանը ներկայացրել է Յուրմալայում կայացած «Նոր ալիք» երգի միջազգային մրցույթում: Նույն թվականին դարձել է «Հայաստանի Ձայնը» հեռուստանախագծի առաջին մրցույթի հաղթող։